Nënshkruhet marrëveshja e bashkëfinancimit për Ndërtimin e Tregut të Gjelbër në Podujevë

Kryetari i Komunës, Shpejtim Bulliqi dhe Ministri i Zhvillimit Rajonal, Fikrim Damka kanë nënshkruar memorandum bashkëpunimin për ndërtimin e Tregut të Gjelbër në Komunën e Podujevës. Vlera totale e projektit është 1,455,954.50 euro, ku parashihet që deri në fund të vitit të ardhshëm të përfundojë si projekt.

Ndërtimi i Tregut të Gjelbër parashihet të ndërtohet në hapësirat aktuale të Stacionit të Autobusëve, me kushte dhe në një hapësirë shumë më të favorshme për fermerët, ku parashihet të ndërtohet edhe parkingu nëntokësor për t’ju ofruar qasje të lehtë e të shpejtë qytetarëve që do të furnizohen me produkte bujqësore në treg.

Gjatë ceremonisë së marrëveshjes Kryetari Bulliqi tha; “E falënderoj Ministrin Damka dhe Qeverinë e Kosovës për bashkëpunimin dhe mbështetjen e vazhdueshme për realizimin e projekteve të ndryshme në komunën tonë. Ne vazhdojmë me punë e projekte të mëdha në shërbim të qytetarëve”.