Nënkryetarja Marigona Lahu zhvilloi takim me përfaqësuesit e Handikos-it në Podujevë

Nënkryetarja e komunës së Podujevës, Marigona Lahu ka zhvilluar takim me Idriz Hoxhën, përfaqësues i shoqatës Handikos në Podujevë, njofton zyra për informim, transmeton PodujevaPRESS.net

Pas vendimit të Qeverisë së Kosovës,  ku viti 2022 është shpallur “Vit i personave me aftësi të kufizuara”, dhe qëllimi i këtij takimi ishte për të diskutuar për sfidat dhe vështirësitë me të cilat ballafaqohen personat me aftësi të kufizuar dhe hapat që duhet t’i ndërmarrim si institucione lokale, me qëllim të lehtësimit të jetës së personave me aftësi të kufizuar dhe zbatimit të këtij vendimi nga ana e Qeverisë duke marrë masa konkrete që ndikojnë drejtpërdrejt në jetën e tyre.

Nënkryetarja Lahu u zotua se Komuna e Podujevës do të angazhohet në rregullimin e infrastrukturës që ata të kenë qasje më të lehtë, do të krijojmë kushte për punësim, si dhe do të ofrohet kujdesi ndaj nxënësve me nevoja të veçanta për qasje më të lehtë në shkolla dhe në edukim.