Nënkryetari i AKR’së: Mbajeni në mend, Isa Mustafa do të afrohet me PDK-në

Nënkryetari i Aleancës Kosova e Re, Agim Bahtiri e ka thumbuar kryeministrin në detyrë dhe njëherësh kreun e LDK-së, Isa Mustafa se po luan  një ‘lojë’ të rrezikshme politike. Sipas Bahtirit kreu i LDK-së po planifikon përsëri afrimin me PDK-në në qeverisje.

Agim Bahtiri në një prononcim për ‘Indeksonline’ ka  treguar se AKR do të pretë deri me 7 shtator.

Pastaj nëse nuk bëhet ndonjë zgjidhje sipas  tij, vendi duhet të shkojë në zgjedhje.

“Lidhja Demokratike e Kosovës në krye me Isa Mustafën është duke e bërë një lojë shumë të keqe e cila me të vërtet është shumë ironuse për arsye se këta janë duke bërë një lojë të cilat me të vërtet shumë pëlqen fare hiq e as qytetarëve të Kosovës në përgjithësi. Është e keqja e këtij vendi përshembull në qoftëse nuk ulen me bisedu gjërat të cilat munden mi dërgu njerëzit përpara”.

“Tash të jesh kundër VV-së shembull  dhe të mos shkon me PAN-in se është PDK brenda aty dhe ai është udhëheq i qeverisë me PDK-në dhe atë se pengon asgjë, kjo do të thotë se ky njeri e ka humbur rrugën dhe dëshiron të zgjat sa më shumë deri sa të shkojmë në zgjedhjet lokale dhe të shkon përsëri me PDK-në, mbajeni në mend kjo do të ndodhë. Ne do të presim deri me 7-tinë te këqyrim qa po ndodhë, por nëse nuk ka diçka atëherë mendojë se duhet të shkohet në zgjedhje”, ka thënë Bahtiri.

Tutje, ai i ka përmendur Mustafës se është për keqardhje që po dëshiron të vazhdon me udhëheq shtetin bashkë me partinë e drejtuar nga Kadri Veseli.

“LDK e udhëheq shtetin me PDK-në dhe ata dëshirojnë të vazhdojnë sa më gjatë dhe kjo është një keqardhje jashtëzakonisht për kryeministrin por edhe për të gjithë të tjerët që dëshirojnë të përfitojnë gjithçka dhe në fund përsëri  do të shkojnë me atë për të cilën janë shkuar edhe më parë”, ka thënë ai.

Numri dy i AKR-së  ka theksuar  qartë se brenda këtij subjekti politik ka qëndrim se nuk do t’i bashkohen koalicionit PAN.

Megjithatë ai i ka komentuar edhe përplasjet e fundit ndërmjet VV-së  e Isa Mustafës, ku këtë të fundit e ka cilësuar si fajtorë.

“Ne kemi qëndrim të qartë që mos të  shkojmë me PAN-in. Sa i përket përplasjeve ndërmjet VV-së dhe Isa Mustafës unë nuk do të hyjë në qasje të tyre, mirëpo një gjë e tillë s’kishte qenë mirë të ndodhte, është një  e keqe që po bëhet për Kosovën. Megjithatë kryeministri në detyrë duhet ta dije që çdo akuzë e cila ngritët prej dikuj duhet ta merr formën e prerë dhe t’i paraqitet para gjyqit që të mbrohen para tij. Andaj mos të merret me qasjen politike me ato private. Unë mendoj se kryeministri i vendit duhet të del nga ajo private në atë institucionale.

Pra, në qoftëse është kusht që ata të bashkëpunojnë me ju largu  72 paraqitje që ja kanë bërë  atëherë është jo e mirë për arsye se ai është personal dhe ai  duhet që t’i drejtohet Gjyqit dhe dëshmon se nuk është ai i cili është akuzuar, por nëse është  ndonjëkush për me hjek ato dhe të bashkëpunojë me Vetëvendosjen atëherë është gabim për mua”./Indeksonline