Nënat e reja në Kosovë braktisën 28 foshnje të posalindura

Myrvete Paqarada, drejtoreshë e repartit të Gjinekologjisë në Qendrën Klinike Universitare (QKUK), ka konfirmuar për gazetën “Zëri” se gjatë gjashtë muajve të parë të këtij viti pesë nëna të reja kanë braktisur fëmijët e tyre. Sipas saj, po ashtu gjatë vitit që lamë pas në këtë Klinikë ishin braktisur 23 foshnje të porsalindura

Vetëm brenda këtyre gjashtë muajve të parë të vitit 2017 në Qendrën Klinike Universitare në Prishtinë janë braktisur 5 foshnja të porsalindura. Këtë e ka bërë të ditur drejtoresha e Gjinekologjisë, Myrvete Paqarada. Sipas saj, është shqetësues numri i tyre, ndërsa thekson se femrat e reja dhe të pamartuara janë ato të cilat po i braktisin fëmijët e porsalindur. “Brenda gjashtë muajve të këtij viti janë gjithsej 5 fëmijë të porsalindur.

Femrat e reja janë më së shumti të atakuara për t’i braktisur fëmijët e porsalindur, për shkak se shumica e tyre nuk po janë të martuara, janë të papunësuara dhe mentaliteti i rrethit po i shtyn më së shumti për t’i braktisur fëmijët, kryesisht janë vajza të grupmoshave 16-17 ose 18-26-vjeçare”, ka thënë ajo për gazetën “Zëri”.