Në prag të zgjedhjeve Agim Veliu po i viziton nxënësit në Podujevë!

Kryetari i Komunës së Podujevës, Agim Veliu, në faqen e tij zyrtare në Facebook ka bërë një njoftim se kishte vizituar nxënësit në Shkollën Fillore e Mesme Ulët “Shaban Shala”, ku një ekip mjekësor kishte bërë kontrolla tek nxënësit e kësaj shkolle.

Ajo që bije në sy janë komentet e qytetarëve të cilet e kanë akuzuar kryetarin Veliu se këtë po e bënë për fushatë zgjedhore, komente këto që më vonë janë fshirë.

Ky është postimi:

Sot për disa çaste vizitova ShFMU “Shaban Shala” në Podujevë, ku ekipi mjekësor i Qendrës Kryesore të Mjekësisë Familjare në Podujevë, i përbërë nga mjekët familjarë, stomatologë dhe infermierë, filloi me vizitat mjekësore sistematike të nxënësve të klasave të para, të katërta dhe të teta.

Me kontrollin sistematik, synohet parandalimi i sëmundjeve të ndryshme dhe edukimi shëndetësor. Ky aktivitet, i filluar në Shkollën “Shaban Shala”, ditëve në vijim do të shtrihet në të gjitha shkollat e Komunës së Podujevës. A.V.