Në Podujevë po vazhdon greva, nuk mbahet mësimi

Komuna e Podujevës kishte paralajmëruar dje se mësimi në këtë qytet do të fillojë normalisht ditën e hënë, pork jo gjë sot nuk ndodhi, njofton PodujevaPRESS.net

Ekipi i PodujevaPRESS ishte në shkollat e qytetit në Podujevë dhe pas komunikimit me mësimdhënësit u pa se greva po vazhdon normalisht.

Madje siç than disa mësimdhënës edhe pse kanë presione nga drejtoria e Arsimit që të fillojnë mësimin ata thanë se pa realizimin e kërkesës së tyre, nuk ka normalizim të mësimit.

Dje drejtori i Arsimit Avni Fetahu ka shkruar në Facebook se i përshëndet vendimet e shkollave të Komunës së Podujevës që nga nesër të fillojnë me procesin mësimor dhe shpërndarjen e librave për nxënësit nga klasa e parë deri në klasën e nëntë.

Përmes këtij vendimi për t’ju kthyer procesit mësimor, mësimdhënësit tanë kanë dëshmuar vullnetin e tyre të sinqertë në kryerjen e misionit të tyre fisnik në edukimin e gjeneratave të reja.

Na priftë e mbara! kishte thënë Fetahu.