Në Podujevë mbahet Ora e Filmit

Organizata JoQeveritate OAKTIV organizon Orën e Filmit në Teatrin “Avdush Hasani” në Podujevë, të dielen më 25 nëntor duke filluar nga ora 17:00, transmeton PodujevaPRESS.com

Në njoftimin e kësaj organizate thuhet se të dielen do të shfaqet filmi me titull “FREEDOM WRITTERS”. Ky film do të jetë një nga filmat që do të shfaqet nga OAKTIV në kuadër të projektit “Ora e Filmit”.

OAKTIV njofton se në përfundim të filmit do të dhurohen disa libra për të pranishmit.
Nata e parë do të mbyllet me diskutime dhe me koktel.

OJQ OAKTIV për të interesuarit, pra ata që duan ta shikojnë këtë film ka jap disa detaje për te:

Dramë e shkruar dhe me regji nga Richard La Gravenese i bazuar në librin “Ditari i shkrimtarëve të lirisë” nga mësuesi Erin Gruwell. Filmi flet për një mësuese të re që i inspiron studentët e saj të mësojnë dhe ta aplikojnë tolerancën dh të ndjekin edukimin përtej shkollës së mesme. Me dy çmime të fituara nga Golden Camera dhe Humanitas Prize si dhe me një nominim në Image Awards, ky do të jetë një nga filmat që do të shfaqet nga OAKTIV në kuadër të projektit “Ora e Filmit”.