Në Podujevë gjoba deri në 5 mijë euro për ta mbrojtur mjedisin

Shumë gjoba ka paraparë Komuna e Podujevës nëpërmjet një rregulloreje që ka për qëllim mbrojtjen e mjedisit.

Ato fillojnë nga 30 euro për ndotje akustike për persona fizikë dhe shkojnë deri në 5 mijë euro për persona juridikë për shlekësit e nenit 27 që flet për zonat e mbrojtura të natyrës.

Gjobat do të ketë edhe për mospërmbajtje të oborreve të shkollave, objekteve administrative (siç është komuna), parkingjeve, varrezave, shtretërve të lumenjve, etj.

Në kapitullin që flet për mirëmbajtjen e sipërfaqeve publike dhe hapësirave tjera, neni 5 thuhet se për mirëmbajtjen e parkingjeve, tregjeve, siparfaqeve të gjelbëruara, varrezave, shtratin e lumenjve, shtratin e përrockave, kujdesen ndërmarjet e autorizuara.

Për shkelësit e këtij neni gjobat në të holla prashihen prej 500-1000 euro, shkruan sot Koha Ditore.

“Të gjitha oborret duhet të jenë në gjendje të rregullt dhe të pastër, ku për mirëmbajtjen e tyre obligohen nga kjo rregullore që të kujdesen pronarët, respektivisht shfrytëzuesit e tyre (këshillat banesore apo të lagjeve)”, thuhet në nenin 6. Gjobat për shkelësit e këtij neni janë nga 50-100 euro.

(Artikullin e plotë mund ta lexoni në numrin e sotëm të Kohës Ditore)