Në Podujevë, burrë e grua e bëjnë njëri-tjetrin për spital

Ka qenë babai i vajzës që ka shkuar në Polici për të raportuar se, vajza e saj është viktimë e dhunës në familjen e bashkëshortit të saj, duke shtuar se ata kanë mosmarrëveshje mes vete, përcjell albinfo.ch.

Mësohet se njësitet policore kanë shkuar tek çifti, të cilët pas një sulmi mes vete që kishin pasur, kanë pësuar lëndime. Si shkak i lëndimeve të marra, policia i ka dërguar për tretman mjekësor në QKMF-Podujevë.

Pasi janë intervistuar në cilësinë e të dyshuarve, çifti është liruar për procedura të mëtutjeshme. Vajza ka shkruar tek prindërit e saj, kurse rasti do të hetohet.