Në Podujevë, asgjë s’është pandemia, çfarë është tollovia

Numri 377 i të infektuarve me COVID-19 në Kosovë bëri që institucionet shtetërore të ndërmarrin masa edhe më të ashpra sa i përket lëvizjes së qytetarëve gjatë këtij muaji.

Por pavarësisht paralajmërimeve të shumta për mos-dalje, komuna e Podujevës sot ishte i stërmbushur me automjete, sikur të mos kishte asnjë pengesë përhapja e këtij virusi.

Sot deri në ora 17:00 qytetarët do të lëvizin me vendimin e vjetër të Qeverisë së Kosovës, e prej nesër vetëm një orë e gjysmë në ditë do të ketë liri për dalje çdo qytetar i Kosovës, në mënyrë që të qëndrohet sa më tepër në shtëpi dhe kontakti me të tjerët të jetë më i rrallë dhe përhapja e virusit të jetë më e vogël, raporton Indeksonline.

Përmes disa fotografive të realizuara pak më parë mund të shihni daljen e qytetarëve në Podujevë, gjë që të bën të mendosh se asnjë masë nuk do të arrij t’i ndalë këto dalje shpesh herë të shpeshta e të panevojshme.

Përpos 377 të infektuarve, 63 persona janë shëruar dhe deri tani Kosova pati 8 viktima si pasojë e COVID-19./Indeksonline/