Në Kuvendin e Komunës së Podujevës u shqyrtua Raporti Vjetor Financiar për vitin 2025

Kuvendi i Komunës së Podujevës ka mbajtur mbledhjen e rregullt, të cilën e udhëhoqi kryesuesi i Kuvendit, Isak Shabani. Në këtë mbledhje morën pjesë edhe Kryetari i Komunës, Shpejtim Bulliqi, nënkryetari Fahri Restelica, drejtorët e drejtorive komunale, përfaqësues të KFOR-it, si dhe media.

Gjatë mbledhjes u shqyrtua Raporti Vjetor Financiar i Komunës për vitin e përfunduar më 31 dhjetor 2025, ku u diskutuan të hyrat dhe shpenzimet komunale, si dhe realizimi i projekteve kryesore gjatë këtij viti. Po ashtu, Kuvendi miratoi një sërë vendimesh të rëndësishme që lidhen me dhënien në shfrytëzim të pronave komunale, si në afatgjatë ashtu edhe afatshkurtër, në zona të ndryshme kadastrale. Në kuadër të këtyre vendimeve u formuan edhe komisionet përkatëse për zbatimin e procedurave, si dhe komisioni për shqyrtimin e ankesave.

Në këtë mbledhje u miratuan këto pika të rendit të ditës:

 1. Miratimi i procesverbaleve nga mbledhjet e Kuvendit të Komunës të datave 29 janar 2026, 17 shkurt 2026, 26 shkurt 2026 dhe 05 mars 2026.

 2. Shqyrtimi i Raportit Vjetor Financiar të Komunës së Podujevës për vitin e përfunduar më 31 dhjetor 2025.

 3. Propozim-vendim për miratimin paraprak të dhënies në shfrytëzim afatgjatë të pronës së paluajtshme të komunës në Njësitë Kadastrale P-00706-0 dhe P-00704-0, Zona Kadastrale Llapashticë e Poshtme.

3.1 Formimi i komisionit për zbatimin e procedurave për dhënien në shfrytëzim.

 4. Propozim-vendim për miratimin paraprak të dhënies në shfrytëzim afatgjatë të pronës së paluajtshme të komunës në Njësinë Kadastrale P-202-3, Zona Kadastrale Lupç i Poshtëm.

4.1 Formimi i komisionit për zbatimin e procedurave për dhënien në shfrytëzim.

 5. Propozim-vendim për miratimin paraprak të dhënies në shfrytëzim afatshkurtër të pronës së paluajtshme të komunës në Njësinë Kadastrale P-1339-0, Zona Kadastrale Orllan.

5.1 Formimi i komisionit për zbatimin e procedurave për dhënien në shfrytëzim.

 6. Propozim-vendim për miratimin paraprak të dhënies në shfrytëzim afatshkurtër të pronës së paluajtshme të komunës në Njësinë Kadastrale P-00459-0, Zona Kadastrale Podujevë.

6.1 Formimi i komisionit për zbatimin e procedurave për dhënien në shfrytëzim.

 7. Propozim-vendim për formimin e Komisionit për shqyrtimin e ankesave në procedurën e dhënies në shfrytëzim të pronës së paluajtshme të komunës.

 8. Propozim-vendim për dhënien në shfrytëzim afatgjatë të Shërbimit Spitalor Klinik Universitar të Kosovës në objektin e ish Emergjencës së qytetit.

 9. Propozim-vendim për ngritjen e Komisionit Komunal të Aksionarëve të Ndërmarrjes Publike “Pastrimi” Sh.A.

 10. Propozim-vendim për ngritjen e Komisionit Komunal të Aksionarëve të Ndërmarrjes Publike Lokale “Stacioni i Autobusëve Podujevë” Sh.A.

 11. Propozim-vendim për ngritjen e Komisionit Komunal të Aksionarëve të Ndërmarrjes Publike Lokale “Eko-Llapi” Sh.A Podujevë.

 12. Propozim-vendim për ngritjen e Komisionit Komunal të Aksionarëve të Ndërmarrjes Publike për Banim Sh.A Podujevë.

 13. Të ndryshme, ku u ngritën çështje nga asamblistët lidhur me infrastrukturën, shërbimet publike, arsimin dhe fusha të tjera, ndërsa drejtoret e drejtorive dhanë përgjigjet përkatëse.