Në këtë komunë të Kosovës trashësia e borës arrinë deri në 1 meter

Reshjet e fundit të borës në vendin tonë kanë shkaktuar vështirësi të shumëta në qarkullim, e madje kanë lënë disa vende edhe të bllokuara, transmeton Gazeta Metro.

Mirëpo, Gjakova mbetet njëra prej rajoneve me më së shumti reshje të borës, pasi që në këtë komunë trashësia e saj ka rritur deri në një metër.

Ministria e Infrastrukturës dhe Transportit, pas kërkesës zyrtare nga ana e komunës së Gjakovës, i ka dalë në ndihmë kësaj komune në pastrimin e rrugëve.

“Për pasojë rrugët e kësaj komune janë vështirë të kalueshme për dy ditët e fundit. Me kërkesë zyrtare të komunës së Gjakovës, Ministria e Infrastrukturës dhe Transportit, me kapacitetet që ka do të intervenojë në pastrimin e rrugëve nga bora në këtë komunë”, thuhet në komunikatën e dërguar nga MIT.

Sidoqoftë, pas reshjeve të borës e ngricave që kanë shkaktuar ato, Policia e Kosovës dhe Ministria e Infrastrukturës kanë bërë thirrje për kujdes të shtuar gjatë qarkullimit me vetura, në mënyre që të evitohen aksidentet e ndryshme.