Vdes mamia llapjane Sanije Topanica, iu ndihmoi grave në lindje gjatë luftës
Ndryshohet Projektligji për përgjegjësinë disiplinore të gjyqtarëve dhe prokurorëve
Projektligji për Përgjegjësinë Disiplinore të Gjyqtarëve dhe Prokurorëve tashmë është ndryshuar nga Ministria e Drejtësisë.
Në draftin fillestar të këtij projektligji i jepej mundësia edhe Ministrisë së Drejtësisë të propozojë hetime disiplinore ndaj gjyqtarëve dhe prokurorëve, nëse këtë nuk e bëjnë gjykatat dhe prokuroritë.
Tani, MD ka prezantuar draftin përfundimtar të këtij projektligji të ndryshuar, raporton KTV.
Draftimin e këtij projektligji e ka përkrahur edhe Ambasada amerikane në Prishtinë.
Në një përgjigje me shkrim, zëdhënësja e Ambasadës amerikane, Michelle Schohn, mirëpret reformimin e ligjit për përgjegjësinë disiplinore ndaj gjyqtarëve dhe prokurorëve.
Në bazë të këtij projektligji, parashihet të shuhet Zyra e Prokurorit Disiplinor.
Ndërkaq, hetimet disiplinore ndaj gjyqtarëve dhe prokurorëve do t’i bëjë një panel hetues, i themeluar nga Këshilli Gjyqësor dhe ai Prokurorial i Kosovës.
