Ndërron jetë edhe personi i tretë pas lëndimeve në Penuhë. Ditë më parë i ndërrojë jetë edhe vajza

Gjatë natës së mbrëmshme ka ndërruar jetë i aksidentuari i tretë në fshatin Penuhë të Podujevës.

Shemsi Selimi, u aksidentua natën e 31 dhjetorit të vitit 2018. Ndërkohë që 44 vjeçari do të varroset sot në fshatin Kaqybeg të Podujevës, shkruan Indeksonline.

Plagët e rënda ishin të pa përballueshme edhe për vajzën e tij Alberinën e cila ndërroi jetë po ashtu ditë më parë.

Lajmi për vdekjen e Shemsiut ka prekur rëndë familjarët dhe miqtë e Shemsiut.

“EUUU… SHEM Lindëm shumë afër njëri tjetrit, si fëmijë lodrat i ndanim bashkë, në shkollë shkonim bashkë, kudo ishim bashkë, shumë herë kundërshtonim njëri tjetrin por në fund prapë përfundonim bashkë. Ishim më shumë se djemë të agjës. Zoti deshi që të jem afër teje edhe në momentin kur ti u aksidenteve, u mundova të qëndroi afër edhe në momentet me te vështira të jetës tende derisa Ti po përballeshe me vdekjen, ishim bashkë deri mbrëmë në orën 19:20 kur ti ike nga kjo botë për tu bashkuar me ALBERINEN tende te vogël në amshim. Vetëm pesë ditë pate jete më shume se ajo. E RËND…. Thell të pikëlluar njoftojmë miqët, familjarët dhe farefisin se mbrëmë në orët e vona ndërroi jetë SHEMSI (ABEDIN) SELIMI (1975-2019) i aksidentuar me 31.12.2018 në fshatin Penuhë (Podujevë) Varrimi i të ndjerit bëhet sot, me datën 20.01.2019 në ora 15:00 në varrezat e fshatit Kaqybeg (Podujeve) Prehu në paqë SHEM, të fala ALBERINES”, ka shkruar Bahri Selimi, një i afërm i viktimës në llogarinë e tij në Facebook.