Ndalohet autobusi në Merdar, policia gjen tri armë zjarri dhe mbi 500 copë fishekë

Është arrestuar një person në pikën e kalimit kufitar në Merdar pasi që gjatë kontrollit në autobusin e një firme kosovare, janë gjetur dhe konfiskuar tri armë me gaz dhe 525 copë fishekë me gas, transmeton IndeksOnline.

Policia ka njoftuar se rasti ka ndodhur të dielën në orën 09 e 30 minuta.

Me vendim të prokurorit kujdestar, të dyshuarit i është caktuar masa e ndalimit policor për 48 orë.

Hetimet në lidhje me rastin ende janë duke vazhduar.