NATO del në përkrahje të Kosovës: Autoritetet kosovare vendosin për Ushtrinë

NATO ka dhënë qëndrimin e saj në lidhje me votimin e tri projektligjeve që çojnë FSK-në më afër shndërrimit në Ushtri të Kosovës.

Sipas një zyrtari të NATO’së që ka folur për agjencinë e lajmeve ‘Reuters’, ka thënë se çdo ndryshim në strukturën, mandatin dhe misionin e FSK’së vendosin autoritet e Kosovës, shkruan gazetametro.net

Tutje thuhet se NATO mbështet Forcën e Sigurisë së Kosovës në mandatin e saj të tanishëm.

“NATO mbështet Forcën e Sigurisë së Kosovës në mandatin e saj të tanishëm. Nëse ky mandat evoluon, Këshilli i Atlantikut të Veriut duhet të rishqyrtojë nivelin e angazhimit të NATO-s në Kosovë. Nuk mund të parashikojmë vendimet e Këshillit të Atlantikut të Veriut”.

NATO ka thënë se tani për tani nuk e ka ndërmend t’i largojë forcat nga territori i Kosovës./gazetametro.net