Naim Fetahu kandidati i dytë për kryetar të PDK-së në Podujevë

Partia Demokratike e Kosovës është duke vazhduar procesin për zgjedhjet e brendshme.

Ndërkohë, që nga komuna e Podujevës deri më tani janë lajmëruar dy kandidatë për të parin e kësaj komune nga ana e PDK-së.

Derisa ditën e djeshme, ka qenë kandidati Fahri Osmani ai i cili ka hapur kandidaturën e tij për kryetar të kësaj dege në Podujevë, sot me anë të një statusi njejtë ka vepruar edhe Naim Fetahu, shkruan Indeksonline.

“Ju njoftoj se kam shpallur kandidaturën time për kryetarë të Partisë Demokratike të Kosovës Dega në Podujevë në zgjedhjet e brendshme të Dekadës së Re.”, ka shkruar ai mes tjerash në llogarinë e tij në Facebook.

Ai poashtu ka bërë thirrje për anëtarësinë e partissë së tij që të mos jetë indiferente ndaj zhvillimeve të brendshme, por të jetë aktive që ta kurorëzojë me fitoren e parë në Podujevë me Dekadën e Re.

Shkrimi i tij i plotë në Facebook:

DEKADA E RE

Anëtarë dhe struktura të Partisë Demokratike të Kosovës Dega në Podujevë,
Ju njoftoj se kam shpallur kandidaturën time për kryetarë të Partisë Demokratike të Kosovës Dega në Podujevë në zgjedhjet e brendshme të Dekadës së Re.

E ftoj anëtarësinë e degës së PDK-së në Podujevë që mos të jetë indiferente ndaj zhvillimeve të brendshme në parti, por të jetë aktive që ta kurorëzojë me fitoren e parë në Podujevë me Dekadën e Re.
Edhe në të kaluarën PDK ka ditur të tregoj se është e aftë për tu transformuar që të mund t’i adresoj sfidat e kohës, prandaj jam optimist se Dekada e Re do të sjellë kualitete të reja, vlere të shtuara që krahas vlerave ekzistuese do të pasuroj strukturën partiake.
Gara përbrenda Degës së PDK-së në Podujevë i kontribuon pluralizmit, e kjo nënkupton një qeverisje transparente të brendshme, që do ta pasqyron edhe ndershmërinë e ardhjes në pushtet në komunën tonë.
I juaji, Naim Fetahu