Nagavci e VV’së e ‘kërcënon’ LDK’në: Reflektoni, në zgjedhjet e radhës VV’ja merr më shumë deputetë

Deputetja e zgjedhur e nga Lëvizja Vetëvendosje pati ca fjalë inkurajimi e me një dozë kërcënimi për Lidhjes Demokratike të Kosovës e bëri thirrje që zërat e ‘arsyeshëm’ atje të dëgjohen. Ky shkrim i Nagavcit u publikua jo shumë pas fillimit të mbledhjes së Kryesisë së LDK’së sot, transmeton Gazeta Metro.

Retorika kundërshtuese e fajësuese e VV’së vazhdoi edhe sot, ishte Arbërie Nagavci që shkruajti në rrjetin social Facebook ku së pari i akuzoi për hipokrizi LDK’në e ftoi që zërat ‘racional’ aty të dëgjohen. Cilat janë këta të arsyeshmit nuk i emëroi.

“Dua të besoj se në LDK ka të tillë që e duan ndryshimin e menjëhershëm që i nevoitet vendit.

Dua të besoj se deklarimet elektorale s’kanë qenë farsë e fjalë koti.

Dua të besoj se ka zëra e mendje racionale që marrin vendime në të mirë të vendit.

Këta zëra duhet t’i dëgjojmë sot, tani”.

Nagavci ju renditi edhe prioritetet për LDK’në që të diskutojnë e reflektojnë e këmbënguli se fitorja e VV’së është e pashmangshme dhe do të jetë edhe më bindëse, sipas saj.

“Pres që diskutimet të jenë të bazuara në interesin e vendit. E interesi i vendit është krijimi i menjëhershëm i institucioneve, hapja rrugë profesionistëve e vendosja e standardeve të reja në qeverisje, në udhëheqje, në drejtësi, gjithandej në shoqëri. Nuk kemi kohë për të humbur, nuk kemi luksin të dekurajojmë rininë e as nevojë të mobilizohemi dhe një herë për zgjedhje. Energjia që do të shpenzohej për të na sjellur në të njejtën situatë, ku LV! del sërisht e para, ( edhe pse me siguri me numër më të madh të deputetëve) do duhej orjentuar në mirqeverisje që tani. Kemi shumë punë përpara. Ka kohë akoma deri te fillimi i seancës. Pas kësaj vazhdohet me tjera afate. Ne jemi për të gjetur zgjidhje, por jo përtej çdo racionaliteti”.