Mustafa tregon 2 skenarë që mund ta bëjnë LDK’në pjesë të bisedimeve

Kërkesat e të parit të LDK’së, Isa Mustafa, janë për zgjedhje para negociatave në Bruksel. Ndryshe, kërkon riformatim të Qeverisë. Kjo parti, këmbëngul se deputetet e vet, nuk do t’a mbështesin asnjë marrëveshje që LDK nuk bënë pjesë, trasnmeton gazetametro.net

Kryetari i Lidhjes Demokratike të Kosovës (LDK), Isa Mustafa, nuk dëshiron të luaj nga pozicioni i vet. Ai mendon se institucionet e Kosovës nuk mund të kryejnë procesin e dialogut, pasi që duhet të jetë një pajtueshmëri më e gjerë e forcave politike në Kosovë.

“Duhet të ketë kyçje të forcave politike, qoftë të drejtpërdrejtë apo përmes mandatit që ato kanë marrë nga Kuvendi i Republikës së Kosovës, shoqëria civile e të tjerë në mënyrë që dialogu të përfundojë me sukses. Për neve zgjidhja më e mirë është që të shkohet në zgjedhje shpejt, që të bëhet mandatimi për dialog përmes zgjedhjeve dhe të t’i ipet besimi partive politike dhe që pastaj të gjithë të kyçen, edhe LDK ja ta gjejë pastaj vendin e vet”, tha Mustafa.

Sipas tij në qoftë se LDK do të kishte qenë në qeveri ose të drejtonte qeverinë, atëherë ata do të merrnin përgjegjësinë edhe dialogun, gjithësesi duke e pasur parasysh që në asnjë rast të mos e shkelin institucionin e presidentit në procesin e përfaqësimit të vendit jashtë.

“Ne nuk kemi informata për marrëveshjen finale. Nuk dot ketë demarkacion, nëse nuk ka shënim të vijës kufitare, demarkacioni bëhet në kohën e vet. Nuk mund të kryhet marrëveshje për dy ose tre muaj. Unë dyshoj se mund të ketë marrëveshje, ajo mund të kryhet vetëm nëse është marrëveshja e gatshme, për të cilin ne nuk kemi informacion”, ka thënë Mustafa, trasnmeton gazetametro.net

LDK, Isa Mustafa, vlerësoi se duhet të ketë zgjedhje. “Duhet të ketë riformatim të dialogut, nuk mund të ketë dialog nëse nuk ka gjithëpërfshirje, ose nuk ka transparencë ndaj subjekteve kryesore politike brenda vendit, kështu si është, unë dyshoj se dialogu do të jetë i suksesshëm”, tha Mustafa.

Sipas tij riformatimi i dialogut duhet të bëhet përmes zgjedhje të reja, ose përmes një organizmi radikal, që do të thotë një përfaqësim krejt tjetër në procesin e dialogut. “Ne për atë mund të japim propozimet tona, edhe idetë tona, por kështu si është që do të thotë që ne të jemi “bishti’, nuk do të bëhemi pjesë”, tha ai.

Kryetari i Lidhjes Demokratike të Kosovës (LDK), Isa Mustafa, vlerësoi se taksa 100 % të qeverisë së Kosovës, ka pasur vend. “Çdo gjë vendim ndaj Serbisë, është i arsyeshëm, ajo po bën propagandë kundër Kosovës, ajo na ka nxjerrë probleme për Interpol, ne kemi nënshkruar marrëveshje edhe ka dy herë”, tha Mustafa. /gazetametro