Mustafa nuk lëshon pe: Sot nuk folëm për postin e presidentit, por do të flasim

Kryetari i Lidhjes Demokratike të Kosovës, Isa Mustafa, pas takimit me liderin e Vetëvendosjes, Albin Kurti, ka thënë se janë pajtuar me liderin e VV’së që të arrijnë marrëveshje koalicioni pas certifikimit të rezultateve, shkruan Gazeta Metro.

“U morëm vesh për sa të bëhet certifikimi i rezultateve të ulemi bashkërisht të merremi vesh për mundësinë e koalicionit qeverisës dhe themelimit të Qeverisë midis dy subjekteve tona politike”, tha Mustafa.

Për postin e Presidentit Mustafa tha se nuk kanë biseduar e as ato ministrore, mirëpo do të bisedojnë pasi ato janë pozita që do të sfidohen gjatë punës katër vjeçare në Qeverinë e ardhshme, transmeton Gazeta Metro.

“Për poste nuk kemi biseduar sot, s’kemi biseduar as për ministri konkrete, por kemi biseduar se ne do të merremi vesh për marrëveshjen koalicion për të gjitha pozitat që ne do të sfidohemi gjatë katër viteve qeveri”, tha Mustafa.

Mustafa tha se kur do të flasin për ndarjen e pozitave të ministrive do të ju njoftojnë me kohë.