Mustafa: Jemi të hapur për koalicion me të gjitha partitë, përveç PDK-së (VIDEO)

Kryeministri në largim i Republikës së Kosovës dhe njëherit kreu i LDK-së, Isa Mustafa tha se në dy mbledhjet e mbajtura nga partia që ai e drejton kanë bërë përgatitjet për zgjedhje dhe se janë marrë vesh me kryetarët e degëve për agjendat zgjedhore.

Mustafa ka thënë se presin nga degët që t’i bëjnë komisionet zgjedhjet dhe t’i përgatisin listat dhe kriterët, raporton gazetablic.com

“Kërkuam që në këto lista të jenë njerëz me kritere dhe njerëz të rinj”, ka thënë Mustafa.

Sa i përket koalicioneve, kreu i LDK-së ka theksuar se kanë lënë hapësirë, por ende nuk vendosur se me këtë do të shkojnë.

“PDK-ja nuk është në listë. Do të bisedojmë me ato parti që kemi besim. Me prishjen e koalicionit LDK-ja nuk është dëmtuar, është dëmtuar vendi”, ka thënë në fund Mustafa.