Muja-Sfarqës: Ju keni azil politik te PDK-ja, ne nuk e hedhim gurin e ta fshehim dorën

Deputeti i PDK-së, Shaip Muja ka reaguar ashpër ndaj deklaratave të kryetarit të Ferizajt, Muharrem Sfarqa i cili tha se partneri i tyre i koalicionit është prapa mocionit për rrëzimin e Qeverisë.

Shaip Muja në një prononcim për lajmi.net ka thënë se partia e tij nuk e hedhë gurin siç ka pretenduar ai sikurse disa në LDK dhe pastaj ta fshehë dorën.

Madje ai ka thënë se Lidhja Demokratike është në azil te PDK-ja.

“I bënë të fala Svarqës , PDK nuk e hedhë gurin si shumë disa në LDK e me fsheh dorën, ne nuk jemi në strehim politik tek LDK-ja, ju keni azil politik tek PDK. Dhe tregoi se ne nuk jemi VLANI por jemi PDK që rrimë vetë në ballë të proceseve më të mëdha të perspektivës, lirisë dhe shtetësisë së Republikës së Kosovës, e ne nuk ndajmë bileta treni por bëjmë veprime transprente dhe si qëndrojmë askujt prapa”, ka thënë deputeti Muja.

Ai më tutje qeverinë e drejtuar nga Mustafa e ka cilësuar si ‘Qeveria e Riinvestit’ e cila sipas tij e ka izoluar Kosovën.

“Nëse perputhën kërkesat tona me kërkesat e opozitës ajo nuk do thotë që ne ju rrimë prapa . Edhe për demarkacionin soji  si Sfarqa e qeveria e riinvestit  si Isa Mustafa është duke e izoluar Kosovën dhe jemi ne deputetët e pozitës që po kerkojmë sqarim e jo rezistenca e opozitës”, ka shtuar Muja për lajmi.net

Sipas Mujës, Qeveria është duke u tallur me deputetët, dhe ai ka theksuar se sa më shpejtë që ky bllok politik të shkojë në histori, Kosova do ketë më shumë perspektivë.

“Kjo qeveri po tallet me 120 deputetë të parlamentit, shkelë rezoluta në njerën anë e në tjetrën thotë po ndertojmë demokraci ky koncept ka vdekur me bllokun politik te lindjes. Sa më shpejt e qojmë në histori aq më mirë do jemi me perspektiv” ka përfunduar Shaip Muja.

Muharrem Svarqa kishte deklaruar në Klan Kosova, se prapa koalicionit të Nismës gjendet PDK-ja, por që sipas tij edhe partia e drejtuar nga kryeministri Mustafa nuk u frikësohet zgjedhjeve. /Lajmi.net/