Moti i keq, shi dhe borë | Tabela për javën e fundit të nëntorit në Podujevë, çfarë ju pret?

Sipas parashikimeve të motit, java e fundit e nëntorit do nisë me mot të ftohtë dhe borë.

Gjatë kësaj jave do na përcjell mot kryesisht me vransira dhe me të reshura bore e shiu, transmeton gazetametro.net.

Sonte priten reshje shiu, të cilat më vonë do të përzien me fjolla bore, e nesër do të mbajë mot i ftohtë, me erë dhe kohëpaskohe me reshje bore.  Reshjet e borës do të vazhdojnë deri të hënën në mbrëmje, e vende-vende edhe të martën në mëngjes.

Të martën dhe mërkurën do të mbajë mot me vransira, por edhe me intervale më të gjata me diell. Nga dita e enjte, vorbulla e dytë do të sjellë mot të vranët dhe me shi. Vetëm në vise malore priten reshje bore.

Temperaturat në fillim të javës do të pësojnë rënie të ndjeshme nën vlera mesatare me minimale nga -5C deri në 0C, e maksimale deri në +2C.  Nga dita e mërkurë maksimalet do të shënojnë një rritje të lehtë në 5C deri 8C.

Era do të fryejë mesatarisht e fuqishme nga veriu 4-11m/s, e ditën e mërkurë mesatare nga juglindja 3-6m/s. Shtypja atmosferike do të rritet pak mbi vlera normale, por më pas do të pësojë një rënie të theksuar./gazetametro.net