Moti i keq, aksidentohet me makinë politikani shqiptar

Moti i keq ka bërë që të aksidentohet me makinë prefekti i Korçës, Dhori Spirollari.

Aksidenti është shënuar në orët e para të mëngjesit të kësaj të shtune, ku mjeti me të cilin udhëtonte prefekti është përplasur me një tjetër.

Dyshohet se mjeti i Spirollarit ka rrëshqitur si pasojë e akullit dhe ngricave. Fatmirësisht prefekti nuk ka mbetur i plagosur përveç lëndimeve të lehta.

Gjithashtu rezulton se ai ka debatuar edhe me punonjësit e mirëmbajtjes së rrugës, duke i akuzuar se nuk kanë bërë punën, madje iu ka thënë se e kanë vendin në burg.