Moska i kërkon llogari Tiranës për vdekjen e 15-vjeçares ruse në Ksamil

Ndërkohë, Moska zyrtare ka shtuar presionin ndaj Tiranës për zvarritje të hetimeve dhe zbardhjen sa më të shpejtë të rastit, shkruan sot Koha Ditore.

Duke qenë se është viti i dytë radhazi që turistë rusë humbin jetën në brigjet e Jonit nga motorët e ujit, zvarritja e hetimeve ndaj autorit që i shkaktoi vdekjen 15-vjeçares nga Shen Petersburgu ka shqetësuar edhe Ambasadën ruse në Tiranë.

Bëhet e ditur se Ambasada e Federatës Ruse i kërkon prokurorisë së Sarandës çdo ditë informacione zyrtare mbi ecurinë e procesit hetimor. Ambasada kërkon të informohet në detaje mbi të gjitha gjetjet e hetuesve që mund të çojnë në zbardhjen e plotë të ngjarjes.