Vdes mamia llapjane Sanije Topanica, iu ndihmoi grave në lindje gjatë luftës
Moska heziton t’ia japë Serbisë raketat S-300
Zëdhënësi i Kremlinit, Dmitry Peskov, tha se bashkëpunimi ushtarako-teknik midis Rusisë dhe Serbisë ka qenë një nga temat e diskutuara në kontaktet e nivelit të lartë mes dy vendeve.
Duke u përgjigjur një pyetjen nëse të dy vendet diskutuan në nivelin më të lartë ofrimin e sistemit të mbrojtjes ajrore ruse S-300 për Serbinë, Peskov tha se bashkëpunimi ushtarak-teknik “bie në kategorinë e çështjeve shumë të ndjeshme” dhe se “bashkëpunimi ushtarak-teknik është në agjendën e bisedimeve në nivelin më të lartë”, raporton agjencia ruse Tass.
Zëdhënësi i presidentit rus, Vladimir Putin, ka refuzuar që të përcaktojë nëse janë të mundura disa marrëveshje konkrete në këtë fushë.
Kryeministri serb, Aleksandar Vuçiq, ka thënë më parë se Serbia do të dëshironte të kishte sistemin rus të raketave tokë-ajër S-300, dhe se për këtë diskutoi me Putin-in.
Vuçiqi më parë ka thënë se sistemi i raketave ruse S-300 është “shumë i shtrenjtë” për Serbinë, por Rusia ka shprehur dëshirën për të ndihmuar nëpërmjet marrëveshjeve të veçanta.
Bashkëpunimi ushtarak-teknik ka qenë një nga temat kryesore gjatë vizitës së Vuçiq-it në Moskë më 27 mars, dhe të dy palët diskutuan synimin e Serbisë për të blerë sistemin e mbrojtjes me raketa të tipit Buk, me rreze të mesme.
Sistemi S-300 është system i avancuar i raketave tokë-ajër dhe ishte përfolur si mundësi që Serbia të furnizohej qysh gjatë bombardimeve të NATO-s në vitin 1999, me ç’rast ekspertët ushtarakë thane se mund të kishte ndryshurar përfundimin e luftës në favor të Serbisë. /GazetaExpress/.
