Vdes mamia llapjane Sanije Topanica, iu ndihmoi grave në lindje gjatë luftës
Molliqaj thotë se AAK është bërë satelit i PDK-së
Sekretari Organizativ i Vetëvendosje, Dardan Molliqaj ka thënë se rezoluta e miratuar në Kuvendin e Kosovës për lirimin e Ramush Haradinajt, është votuar sa për sy e faqe. Molliqaj ka thënë se AAK kohëve të fundit është shndërruar në satelit të PDK-së, njofton Klan Kosova.
“Është rezolutë sa për sy e faqe, por më shqetëson që kohëve të fundit kemi përafrim të PDK-së dhe AAK-së, më shumë kanë votuar njëjtë, se sa PDK- LDK”, ka thënë Molliqaj në Info Magazine.
“Rezoluta ka pësuar transformime që mendojmë se kanë qenë jo mjaftueshëm të drejta, mirëpo megjithatë sponzorisuezi ka qenë AAK”, ka shtuar Molliqaj.
Ai ka pohuar se kjo rezolutë është votuar sot e jo më herët sepse nuk kafunksion.
“Është votuar deri në lirimin e Haradinajt e jo heqjen e fletë-arresteve dhe në këtë kohë nuk ka dialog”, ka theksuar Molliqaj.
“Ndonjëherë më përsërit situatën e zgjedhjeve, kur AKR ishte opozitë, dhe prishjen e kishte ndihmuar tërë kohën”.
“Nëse shohim komunikimet publike PDK – AAK, votimet, është gjithçka e qartë, mendoj se është gabim por është vendim i tyre”, ka pohuar ai.
“Edhe rezolutën e zbutën shumë, ne e mbështetëm sepse jemi për lirimin e Haradinajt dhe ndërprerjen e dialogut por besuam se do të ishte një rezolutë më e fuqishme. Ne kemi kërkuar që të mos ketë ndryshime por megjithatë e kemi mbështetë”, ka përfunduar Molliqaj.
