Mjekët në QKMF-në e Podujevës në grevë, pacientët në pritje

Mjekët të enjten ishin në vendin e punës, por pa mantel të bardhë. Kjo është simbolika e grevës së përgjithshme njëditore të punonjësve shëndetësorë, në të gjitha qendrat mjekësore të Kosovës, njofton PodujevaPRESS.net

Ata po kërkojnë miratimin e Ligjit të pagave, rrjedhimisht, rritjen e pagave të tyre.

Në Qendrën Kryesore të Mjekësisë Familjare në Podujevë shumë pacientë silleshin korridoreve duke mos mund të marin shërbimet shëndetësore.

Për shkak të grevës, disa pacientë të enjten kanë mbetur pa marrë shërbime. Njëri prej tyre tha se; “Nuk e kemi ditur se ka grevë. Kjo nuk po më duket e drejtë, unë kam nevojë me kontrollu fëmijën sepse është i sëmurë, tash duhet të kthehemi. Për te është lodhje është maltretim, sepse nuk është në gjendje të mirë shëndetësore”, tha njëri që nuk deshti të i përmendej emri.

E në QKMF thanë se shërbimet shëndetësore do të fillojnë pas orës 15:00.