Ministri i Kulturës, Rinisë dhe Sportit, Hajrullah Çekun viziton Podujevën

Me kënaqësi kemi pritur sot në Podujevë Ministrin e Kulturës, Rinisë dhe Sportit, Hajrullah Çekun me bashkëpunëtorë, kështu ka shkruar Kryetari i Komunës Shpejtim Bulliqi, transmeton PodujevaPRESS.net

Bulliqi ka thënë se me Ministrin Çeku kemi diskutuar për një mori projektesh, me theks të veçantë kemi diskutuar për palestrën sportive, qendrën multifunksionale, pishinën gjysmë-olimpike, trashëgiminë kulturore etj.

Ne prezantuam disa prej synimeve që i kemi si qeverisje lokale dhe u dakorduam që si institucione t’i bashkërendojmë objektivat, me qëllim të avancimit të kulturës, rinisë dhe sportit në Podujevë.

Faleminderit Ministër për vizitën dhe përkushtimin tuaj, ka përfunduar Bulliqi.