Ministri i Arsimit Ramë Likaj vizitoi Komunën e Podujevës

Ministri i Arsimit, Shkencës dhe Teknologjisë (MASHT) Ramë Likaj ka vizituar sot Komunën e Podujevës, me ç’rast u takua me Drejtorin e Arsimit, Agim Blakçori, njofton zyra për informim e kësaj komune.

Në këtë takim ministri Likaj dhe drejtori Blakçori biseduan rreth mundësisë së mbajtjes së testit të maturës shtetërore 2019-2020.

Gjithashtu, Likaj e njoftoi drejtorin Blakçori edhe rreth përgatitjeve për vitin shkollor 2020/2021, dhe diskutuan rreth tre skenarëve opsionale të cilat është duke i përgatitur kjo ministri për fillimin e vitit të ri shkollor.

Drejtori Blakçori e falënderoi për vizitën ministrin Likaj dhe e njoftoi për gjendjen dhe rrjedhën e përgjithshme të procesit arsimor në Komunën e Podujevës, me theks të veçantë sfidat me të cilat është përballur, sidomos gjatë kohës së pandemisë.

Po ashtu, drejtori Blakçori u shpreh i gatshëm për të bashkëpunuar me akterët relevantë në përgatitjet për testin e maturës dhe në organizmin e vitit të ri shkollor.