Meterologët parashikojnë motin: Ditët e para të nëntorit, shumë nxehtë |Tabela

Siç parashikojnë meterologët, ditët e para të muajit nëntor do jenë shumë të ngrohta, vransira dhe diell.

Temperaturat e ajrit, do të rriten ndjeshëm mbi vlera mesatare. Minimalet do të luhaten nga 9C deri në 13C, e maksimalet nga 23C deri në 24C. Në fillim të javës së ardhshme pritet të zbresin lehtë, minimalet deri në 6C, e maksimalet deri në 18C.

31.10.2018 – Rajoni ynë mbetet nën ndikimin e fushave anticiklonike mbi Europën lindore, derisa në fundjavë nga Atlantiku një tjetër anticiklon nga ishujt e Azoreve do të depërtoj përgjatë Europës qëndrore dhe mbi rajonin tonë. Ndërkohë masa të ngrohta ajrore nga Afrika veriore vazhdojnë të shtrihen mbi vendin tonë, që do të favorizojnë rritje të temperaturave dukshëm mbi vlera mesatare.

1.11 – Mot shumë i ngrohtë, kryesisht me vransira. Pasdite në perëndim të vendit mundësi për riga lokale shiu.
2.11 – Mot shumë i ngrohtë, me vransira dhe intervale me diell.
3.11-4.11 – Të shtunën mot shumë i ngrohtë, pjesërisht i vranët. Ditën e diel vazhdon të mbajë mot i ngrohtë, kryesisht me diell.
5.11 – Mot i mirë, kryesisht me diell.