Mësuesja nga Podujeva që i kërkoi Rrahman Jasharit ndaljen e grevës, përkrahëse e VV-së dhe Kurtit

Kryetari i Sindikatës së Bashkuar të Arsimit dhe Shkencës, Rrahman Jasharaj, bashkë me disa anëtarë të Këshillit Grevist ka qëndruar sot tek shkolla “Ismail Qemali” në Prishtinë.

Ai pati bashkëbisedim me mësimdhënësit e kësaj shkolle.

Disa nga ta i kërkuan që ta ndërpresin grevën dhe të vazhdojë mësimi.

Mësuesja Refiqe Hamiti, gjatë mbledhjes së mbajtur kërkoi nga Jasharaj që ta ndalë grevën në mënyrë që të kthehen në mësim.

“Merrni guximin bëhuni më patriota se patriotat që po thirren edhe kthena në bankat shkollore, kthena të dalim para nxënësve kthena dinjitetin tonë”, tha ajo.

Kjo mësuese në postimet e bëra del të jetë një mbështetëse e Lëvizjes Vetëvendosje, shkruan Reporteri.net.

Ajo shihet nga postimet e saj, ku të fundit e ka postuar një pjesë të fjalimit të kryeministrit Albin Kurti bërë ditë më parë në konferencë për media.

Poashut ajo ka foto edhe me kryeministrin Kurti dhe ish-ministrin e Shëndetësisë, Arben Vitia.

Poashtu ajo shihet se në kohë të zgjedhjeve kishte bërë thirrje të mbështetet Vetëvendosje, ku kishte shpërndarë foto me logon ‘krejt dhe drejt’.

Se është përkrahëse e VV-së e thotë edhe Frashër Krasniqi nga Partia Socialdemokrate.

“Kjo ishte “mesimdhenesja” qe foli kundër sindikatës. Rafiqe Hamiti, militante e Albin Kurtit.

Gjuha fashiste e Elvis Hoxhës, po përcillet me infiltrimet e dhunshme të militantëve t’pushtetit e grevëthyesve servilë t’Kurtit. Ata, sipas udhëzimeve konspiracioniste t’pushtetit, sindikalistët po i quajnë “armiq, o armiq”.

Por mësimdhënësit duartrokitën sindikatën ✊️ “, ka shkruar ai.