Messi mbetet te Barça, do të paguhet 500 mijë euro në javë

Ylli i Barcelonës, Lionel Messi, ka vazhduar kontratën me klubin edhe për katër vitet e ardhshme, transmeton gazetametro.

Sipas mediave spanjolle, Messi do ta nënshkruajë kontratën e re pas përfundimit të pushimeve, marrëveshje kjo që do ta mbajë të lidhur me Barçën deri në moshën 34 vjeçare, thuhet në deklaratën zyrtare të klubit katalan.

Sipas kontratës, Messi do të marrë më shumë se 500 mijë euro në javë, kurse paga vjetore do të kapë shumën e rreth 30 milionë eurove.

Klauzola për shkëputjen automatike të kontratës është e vendosur në 300 milionë euro.

Messi është shpallur 5 herë futbollisti më i mirë i vitit. Ai llogaritet të jetë në mesin e lojtarëve më të mirë të historisë së këtij sporti.