Ekskluzive: I dënuar me 4 muaj burgim për kanosje, ky është personi
Merkel takon Vuçiqin: Diskutohet edhe demarkacioni me Malin e Zi!
Kancelarja e Gjermanisë, Angela Merkel nesër do të zhvilloj një takim me presidentin e Serbisë, Aleksander Vucic, në Gjermani.
Gazeta Blic nga burime ndërkombëtare të akredituara në Prishtinë, ka marrë vesh se ndër të tjera në këtë takim, temë do të jetë edhe cështja e marrëveshjes së demarkacionit Kosovë- Mali i Zi.
“Në këtë takim ndër të tjera do trë flitet edhe për Demarkacionin Kosovë- Mali i Zi. Më saktësisht shefja e qeverisë gjermane do të kërkoj nga Vucic që t’i bind deputetët e Listës Serbe që ta votojnë demarkacionin”, thonë këto burime ndërkombëtare.
Në anën tjetër, Lista Serbe ka paralajmëruar votën kundër projektligjit për marrëveshjen me Malin e Zi.
Aktualisht janë vetëm 78 deputetë që kanë paralajmëruar votën për kësaj marrëveshje, e pamjaftueshme për t’u ratifikuar në Kuvend.
Kjo, sipas burimeve të Gazetës Blic mund të coj edhe në shtyerje të seancës së jashtëzakonshme, e cila është caktuar për ditën e mërkurë.
Ndërkohë, kreu i Kuvendit, Kadri Veseli ka theksuar se marrëveshja do të ratifikohet, dhe se sipas tij, do të jenë deputetët e Lëvizjes Vetëvendosje ata të cilët do të votojnë.
Kurse, ambasadori amerikan në Kosovë, Greg Delaëie edhe njëherë u ka bërë thirrje deputetëve që ta votojnë demarkacionin me Malin e Zi.
“Ka ardhur koha. Ratifikimi i marrëveshjes me 80 vota është esencial për të siguruar lëvizjen e lirë të të gjithë qytetarëve të Kosovës. Politikanët kanë bërë kompromise të vështira për të arritur në këtë pikë. Kjo është mundësia më e mirë që kam parë për ta përfunduar këtë. Shpresoj t’i drejtoheni deputetëve se sa e rëndësishme është të kaloni këtë marrëveshje menjëherë. Le të jem i qartë, kjo është thjeshtë vota për të ardhmen e Kosovës në Evropë dhe mundësisë tuaj të udhëtoni. Shpresoj të më bashkoheni dhe të punojmë për sukses. Në dhjetëvjetorin e pavarësisë së Kosovës, kjo është mundësi e madhe që të transformoni vendin për dekadën e dytë”, ka thënë ai në një video të postuar në Tëitter.
Deri më tani kanë dështuar dy seanca të thirrura për projektligjin për marrëveshjen për Demarkacionin me Malin e Zi, për shkak të mos pasjes së votave të pamjaftueshme prej 2/3.
