Me pasaportë të tjetërkujt tentoi të fluturojë nga Prishtina drejt Gjermanisë

Policia Kufitare e Kosovës ka ndaluar një person nën dyshimin se ka tentuar të udhëtojë nga Aeroporti i Prishtinës për në Hanover.

Sipas Policisë, gjatë kontrollit të dokumenteve i dyshuari  ka prezantuar një pasaportë serbe, e cila  besohet se i përket dikujt tjetër.

Të dyshuarit i është anuluar fluturimi dhe rasti vazhdon në procedurë te rregullt.

Rasti, i cili po trajtohet si keqpërdorim i dokumentit, ka ndodhur dje rreth orës 15:00.