Me nderime ushtarake u varros veterani i UÇK-së Kimet Dibrani |PAMJE

Në ceremoninë e varrimit krahas familjarëve morën pjesë bashkëluftëtar të shumtë të tij

Sot, në varrezat e fshatit Gërdoc të Podujevës, me nderime ushtarake, është varrosur veterani dhe invalidi i luftës së UÇK-së, Kimet Dibrani.

Ish ushtari i UÇK-së, në Zonën Operative të Llapit, Kimet Dibrani, pas një sëmundje të gjatë, dje pasdite (27.01.2019) ndërroi jetë në QKUK në Prishtinë.

Kimet (Hamit) Dibrani, i lindur më 3 shtator 1974, ishte ushtar i UÇK-së në Zonën Operative të Llapit. Kimeti ishte i plagosur në luftën e Kosovës në vitin 1999. Ai u lind në fshatin Gërdoc të Podujevës, shkollimin dhe tërë jetën e tij i kaloi në vendlindje.