Me homazhe e nderime përkujtohet beteja e “Tabeve të Llapashticës”

Në përvjetorin e betejës së “Tabeve të Llapashticës”, kryetari i Komunës së Podujevës, Shpejtim Bulliqi, me bashkëpunëtorë, Shoqatat e dala nga lufta e UÇK-së, pjesëtarë të familjeve të të rënëve dhe qytetarë të tjerë kanë bërë homazhe dhe kanë vendosur kurora me lule në nderim të dëshmorëve të kombit që ranë lavdishëm në këtë betejë.

Kryetari Bulliqi tha se në bashkëpunim me Shoqatat e dala nga lufta e UÇK-së, në nderim të kësaj dite janë organizuar homazhe  te shtatoret e heronjve në vendet e rënies në Llapashticë dhe Obrançë.

Ai gjithashtu tha se “datat e lavdisë si këto, janë momente të rëndësishmë refleksioni për punë dhe angazhim për të ardhmën tonë, e cila ka bazament sakrificën e madhe të popullit tonë për liri e shtet”.

Aktivitetet u përmbyllën me homazhe te varrezat në Kompleksin Memorial në fshatin Penuhë.