Mbi 4 mijë persona aplikojnë për gardian, shumica prej tyre janë nga Podujeva

Shërbimi Korrektues i Kosovës njofton se testit me shkrim për pozitën Oficer Korrektues do ti nënshtrohen 4141 veta. Vlen të theksohet se shumica e aplikantëve vijnë nga Komuna e Podujevës, njofton PodujevaPRESS.

Lexo po ashtu, lajmin e fundit: Këta janë kandidatët të cilit do t’i nënshtrohen testit për gardian

Ky është njoftimi i Shërbimit Korrektues të Kosovës:

Njoftohen të gjithë kandidatet të cilët kanë aplikuar për pozitën Oficer Korrektues në Burgun e Sigurisë së lartë dhe në Qendrën e Paraburgimit në Gjilan, në Konkursin e Sherbimit Korrektues të Kosovës – Ministrisë se Drejtësisë , me numër referencës: MD/SHKK/122-21-02-2017, se Komisioni për rekrutim ka përpiluar listën e ngushtë për testim me shkrim.

Të gjithë kandidatët që gjinden në listë do t’i nënshtrohen testit me shkrim, i cili do të mbahet me: 09.04.2017 ne lokalet e Fakultetit Juridik dhe Ekonomik te Universitetit të Prishtinës.

Te gjithë kandidatët me vete duhet te kenë dokumentin e Identifikimit.

Te gjitha informatat rreth afateve kohore për procedurat e mëtejme te rekrutimit, si dhe emrat e kandidatëve bashke me sqarimet e nevojshme për vendin dhe kohën e mbajtjes se testit, mund te gjendën në Ueb-faqen e Shërbimit Korrektues të Kosovës në linkun ’’Njoftime’’ shkk.rks-gov.net

Kandidatet të cilët nuk janë në listën e publikuar mund të paraqiten në zyrën e personelit në Drejtorin Qendrore për shikimin/ plotësim të dokumentacionit deri të martën me datë 04.09.2017 ora 14:00.