Masa të reja për parandalimin e zjarrev në Podujevë, institucionet bashkojnë forcat

Një takim ndërinstitucional u mbajt për të adresuar rritjen e rasteve të zjarrvënieve në vend. Në këtë mbledhje morën pjesë Drejtori i Drejtorisë së Shërbimeve Publike, Mbrojtje dhe Shpëtim, Bahri Selimi, përfaqësues nga Policia, zjarrfikësit, anëtarë të ekzekutivit dhe zyrtarë të Agjencisë së Pyejeve.

Drejtori Selimi theksoi rëndësinë e një fushate të gjerë vetëdijesimi për të parandaluar zjarrvëniet dhe për të mbrojtur ekosistemin nga dëmet e pariparueshme. Ai apeloi për një bashkëpunim më të ngushtë ndërmjet institucioneve për të ndërmarrë masa të rrepta kundër kësaj dukurie shqetësuese.

Gjatë takimit u kërkua angazhimi i të gjithë sektorëve për të koordinuar aktivitetet dhe për të përmirësuar menaxhimin e zjarreve në të ardhmen. Në fokus u vendosën edhe masat ndëshkuese për ata që shkaktojnë zjarrvënie të qëllimshme, si dhe rëndësia e sensibilizimit të qytetarëve për të shmangur rrezikun dhe pasojat e zjarreve.

Institucionet premtuan veprime konkrete në terren për të parandaluar incidentet dhe për të mbrojtur mjedisin dhe pronat e qytetarëve nga rreziku i zjarreve.