Marrëveshja LVV-LDK, rritet numri i ministrive dhe mësohen emrat e dy ministrave të LDK-së

Lëvizja Vetëvendosje dhe Lidhja Demokratike e Kosovës, kanë arritur marrëveshje. Ajo pritet të publikohet së shpejti edhe nga partitë në fjalë.

Reporteri.net qysh sot në mengjes nga burimet e veta ka raportuar se marrëveshja është arritur, duke marrë LDK Kryetarin e Kuvendit, pasi VV u pajtua që Glauk Konjufca të dorëhiqet.

Sipas burimeve të Reporterit, marrëveshja parashesh edhe rritjen e ministrive.

“Kryetare e Kuvendit do të jetë Vjosa Osmani”, kanë thënë burime të sigurta të Reporterit.

“Ministritë janë paraparë 6 më 6 për të dy këto subjekte, ndërkaq pritjet janë që 3 ministri të mbesin për minoritetet”, ka thënë një zyrtar i afërt me negociatat. Pra numri i ministrive shtohet në ministrive në 15, e jo 12 sa kishin premtuar.

Po sipas këtyre burimeve, LDK tashmë ka gati edhe emrat e dy ministrave nga radhët e saj. Lumir Abdixhiku pritet të emërohet Ministër i Infrastrukturës, ndërkaq Anton Quni, Ministër i Mbrojtjës.

Sa i përket çështjes së presidentit, nuk ka ende ndonjë konfirmim jozyrtar apo zyrtar nëse ka dakordim tash apo ëhstë lënë të diskutohet më vonë. Reporteri.net do të ju mbajë të informuar me detaje të tjera të marrëveshjes. /Reporteri