“Të vras”, “E han plumbin” | Çifti e kërcënojnë njëri – tjetrin
![Marin Mema dhe Florent Hasani bëjnë dokumentar për helmimet e vitit 1990 të nxënësve në Podujevë](https://podujevapress.net/wp-content/uploads/2023/10/florenti-850x560.jpg)
Marin Mema dhe Florent Hasani bëjnë dokumentar për helmimet e vitit 1990 të nxënësve në Podujevë
Helmimi i vitit 1990 nga regjimi serb preku mbi 7 mijë të rinj, kryesisht shqiptarë. Helmimi filloi në qytetin e Klinës, ndërsa u përhap masivisht më 19 mars 1990 në Komunën e Podujevës. Kjo i parapriu ngjarjeve që më vonë u përshkallëzuan në demonstrata për të drejtat e shqiptarëve deri në luftën për çlirimin e Kosovës, njofton PodujevaPRESS.net
Në përvjetorin e helmimeve të nxënësve, studentëve, profesorëve, punëtorëve dhe qytetarëve të Podujevës dhe Republikës së Kosovës, burimet e PodujevaPRESS-it kanë treguar se autori i emisionit “Gjurmë Shqiptare” në Top Channel, Marin Mema së bashku me historianin llapjan Florent Hasani kanë filluar pregaditjet për një dokumentar që lidhet me temën e helmimeve.
Nga ato që ka mësuar portali pritet që të jetë një ndër dokumentaret thuajse ndër më të rëndësishme pasi që shumë pak është folur e studiuar për këtë temë.
Por çka shkruante gazeta Rilindja në atë kohë për helmimet:
U helmuan mbi 200 nxënës
Rastet e shumëta të helmimit të nxënësve në Podujevë , shkaktuan panik por edhe mobilizim për tu ndihmuar të helmuarve. Në ndihmë erdhën qytetarë të shumët nga Prishtina por edhe qytete tjera të Kosovës, shkruante Rilindja e asaj kohe, transmeton PodujevaPRESS.
Dje në Podujevë shkruante Rilindja, u helmuan përsëri nxënësit por edhe qytetarët, por kësaj radhe përmasat e helmimit ishin shumë më të mëdha se ato të mëparshme.
Në të vërtet gjatë ditës së djeshme duke filluar nga ora nëntë e mëngjesit e deri në orët e vona të pasditës disa qindra veta kërkuan ndihmën e pare e një pjesë e tyre meqë gjendjen shëndetësore e kishin të rrezikuar menjëherë u sollën në Klinikat e Fakultetit të Mjekësisë në Prishtinë.
Nxënësit e QAMO-s “8 Nëntori” në orët e mëngjesit nisën të ankoheshin në marramendje, plogështi, gërqe të muskujve të këmbëve dhe duarëve, kishin pengesa të thekësuara në organet e frymarrjes dhe e gjithë kjo u manifestua me alivanosje të shumëta. Nxënësit hynin në klasa të trullosur e disa nga ta edhe rrëzoheshin, thane disa nga mësimdhënësit e kjo ishte shenjë e mjaftueshme se helmimet e ditëve tjera nuk ishin të rastësishme. Do të thotë gjithçka i ngjante një diversioni të organizuar. E për këtë ishin edhe gjurmët: pluhur në dysheme, ndotje dhe erë kundërmonjëse që gjasonte në qelbësira me erë të padurueshme.
Pasi u përhap lajmi për helmimin në Podujevë shkruante Rilindja u krijua një panik i madh, por në të nuk hetohej ndjenja e frikës, sikurse ngjet në raste të tilla.
Ky është teksti i Rilindjes të datës 22 mars 1990:
![](https://podujevapress.net/wp-content/uploads/2022/03/helmimet-ne-Podujeve-1.jpg)
![](https://podujevapress.net/wp-content/uploads/2022/03/helmimet.jpg)