Maqedonia ‘tradhëton’ Serbinë’, do ta votojë Kosovën në UNESCO

Edhe pse u duk si një marrëveshje e heshtur shkuarja e kryeministrit maqedonas në Serbi, duket se Maqedonia do ta jap votën e saj PRO Kosovës në UNESCO. Kjo pasi, ata do të votojnë siç bëjnë shumica e vendeve të BE’së, e të cilat dihet se janë PRO.

Ka qenë Qeveria e Maqedonisë e cila ka kumtuar sot se vota e saj për anëtarësimin e Kosovës në UNESCO do të varet prej qëndrimit të shumicës së anëtarëve të BE’së, ka lajmëruar televizioni Telma, transmeton gazetametro.net.

Ditë më parë, disa medie kanë lajmëruar se personeli i ambasadës së Serbisë është tërhequr për shkak të votimit eventual të Maqedonisë për anëtarësimin e Kosovës në UNESCO.

Qeveria e Maqedonisë ka theksuar se gjithmonë i përcjellë interesat e shtetit të bazuar në parimet e fqinjësisë së mirë dhe promovim të bashkëpunimit rajonal, neutralitet dhe mos përzierje në konteste në mes shteteve, transmeton gazetametro.net.

“Maqedonia zhvillon marrëdhënie miqësore me të gjitha vendet fqinje. Kur ekzistojnë çështjet e ndjeshme të hapura në mes të dy fqinjëve tanë, Qeveria e Maqedonisë gjithmonë do të ndjekë interesat e shtetit të bazuara në parimet e fqinjësisë së mirë dhe promovim të bashkëpunimit rajonal, neutralitet dhe mos përzierjes në konteste në mes shteteve. Sa i përket votimit për anëtarësim të Kosovës në UNESCO, Qeveria e Maqedonisë do ta ketë parasysh pozicionimin e shumicë së anëtarëve të BE, theksohet në kumtesë të qeverisë.

Të përkujtojmë, kryeministrja e Serbisë Brnabic, ditë më parë e siguroi popullin serb se Maqedonia nuk do të votojë për anëtarësimin e Kosovës në UNESCO.