Lumir Abdixhiku: Faleminderit Podujevë për mbështetjen!

Kryetari i LDK-së, Lumir Abdixhiku, ka falënderuar qytetarët e Podujevës për pjesëmarrjen dhe mbështetjen e madhe në tubimet zgjedhore të kësaj fushate.

“Tubimet tona ishin manifestim i përbashkët i një ëndrre të madhe që kemi për vendin, qytetet dhe komunat tona. Mbështetja juaj, entuziazmi për LDK-në dhe për kandidatët tanë, janë shenjë e qartë e një fitoreje të madhe elektorale më 12 tetor,” u shpreh Abdixhiku.

Ai theksoi se kjo mbështetje e re e rikonfirmon lidhjen e fortë mes LDK-së dhe qytetarëve, duke e cilësuar si fitore më të madhe që nga shpallja e pavarësisë.

“Sepse lodhja nuk na ndal, ëndrrat nuk na shuhen, besimi gjithmonë na ngre në këmbë. Dhe koha është të ngrihemi sërish në këmbë. LDK dje, LDK sot, LDK përgjithmonë!” përfundoi Abdixhiku.

#LDK113 ✌️