Llapi pësoi disfatën e dytë të njëpasnjëshme, kësaj radhe nga Dukagjini

Dukagjini i Klinës e ka mposhtur Llapin duke arritur fitore si mysafir me rezultat 0-1.

Iljasa Zylfiu ishte heroi i ndeshjes me golin e shënuar në fillim të pjesës së dytë.

Skuadra llapjane pati mundësinë të barazoi në dy raste, por që Haxhihamza arriti të ndalojë dy penallti.

Progni dhe Krasniqi dështuan nga penalltitë. Me këtë fitore, Dukagjini ka 12 pikë, vetëm një më pak se Llapi.

Llapi me këtë disfatë mbetet në pozitën e gjashtë me 13 pikë në 12 ndeshje, ndërsa Dukagjini ngjitet në tabelë në vendin e tetë.

Ka 13 ndeshje të zhvilluara dhe ka grumbulluar 12 pikë.

Në kuadër të xhiros së 14-të të Superligës në fundjavë, Llapi luan në shtëpi kundër Dritës, derisa Dukagjini zhvillon në udhëtim ndeshjen ndaj Gjilanit.