Llapi merr vendim të madh për pjesën e mbetur të sezonit

LLapi është në pozitën e tretë në tabelë dhe është në garë për titullin kampion së bashku me Feronikelin dhe Prishtinën.

Skuadra nga Podujeva në këto ndeshje të mbetura ka marrë vendim që biletat do të kushtojnë vetëm 1 euro.

Ky vendim vjen pasi llapjanët kërkojnë më shumë tifozë në përkrahje të skuadrës.

NJOFTIM

Pas konsultimit me Kryetarin dhe kryesinë e klubit duke pasur parasysh që lufta për titull është ende e hapur dhe se skuadra jonë e zemrës, Llapi e ka arritur shikueshmërinë më të madhe në Kosovë, Kryetrajneri i rikthyer i zemres së Llapit, Tahir Batatina ka propozuar dhe është marrur vendim që bileta për gjithë kampionatin të jetë vetëm (1€) ku të gjithë futbolldashësit llapjanë po i duam në tribuna për të na përkrahur në rrugën drejt titullit.

Duke e parë të arsyeshme se çështja ekonomike është jo e mirë tek popullit ynë, ne dëshirojmë si klub që të gjithëve tua mundsojmë të jenë afër skuadrës së zemres në tribuna. Por nga ndeshja e radhes që zhvillohet të merkurën ndaj Ferizajt për askënd (përfshirë edhe fëmijët) nuk vlen as një kartelë, as një librezë dhe as një dokument për tu futur në stadium përveç biletës së ndeshjes që kushton 1€ (shumë simbolike për të gjithë ne).

Me moton “MOS I PI DY KAFE, NDIHMO KLUBIN E ZEMRËS DUKE PAGUAR BILETË SEPSE NE JU DUAM NË TRIBUNA”, e bëjmë për ju që na mbështetni gjithmonë.

Forca Llapi

Forca Legjendat

Forca PODUJEVË – qyteti i bukur dhe më i dashuri i futbollit

Jemi pasardhësit e Legjendës FADIL VOKRRI

SË BASHKU MUNDEMI