Llapi dënohet me një ndeshje pa shikues

Për dallim nga ndeshjet Besa – Trepça dhe Ramiz Sadiku – Ballkani, të dyshuara për kurdisje dhe tentim kurdisje, Komisioni Disiplinor ka shtrënguar dhëmbët në rastin e Llapit.

Skuadrat llapjane është dënuar me një ndeshje pa shikues në fushën e vet, raporton Gazeta Olle.

Shkak për këtë janë bërë: “hedhjet e flakadanëve gjatë zhvillimit të ndeshjes, fyerje dhe sharje  në kor, hedhje e gurëve pas përfundimit të takimit drejtuar ekipit mysafir”.

Llapi këtë ndeshje e luajti me Drenicën, në kuadër të gjysmëfinales së DigitAlb Kupës. Takimin e radhës si vendas, Llapi e luan me Lirinë e Prizrenit, me të cilën nuk ishin ndarë mirë në sfidën e fundit.