Lladrovci merr mbi 14 mijë vota, zyrtarisht kryetar i ri i Drenasit

Janë numëruar të gjitha vendvotimet për kryetar të Drenasit.

Nga numërimi i këtyre votave publikuar në faqen zyrtare të KQZ-së LLadrovci ka marrë 14 mijë e 242 vota ose 62.69 përqind ndërsa Isa Xhemajlaj ka fituar 8 mijë e 476 vota ose 37.31 përqind të votave.

Ky balotazh në komunën e Drenasit erdhi pas rezultatit të zgjedhjeve të jashtëzakonshme të mbajtura më 4 dhjetor ku kandidati Ramiz Lladrovci pati marrë 45,3 % ose 9.458 vota ndërsa Isa Xhemajlaj  26,19 % ose 5642 vota.

Pas këtyre rezultateve, Nisma për Kosovën kishte nënshkruar një koalicion me AKR-në dhe kandidatin Elmi Thaçi që kishte mbledhur 1589 vota ose përkthyer në përqindje, 7, 62 % e më pas edhe me kandidatin e pavarur, Xhavit Drenori që kishte 12,62 %.

Këto zgjedhje të jashtëzakonshmë në komunën e Drenasit erdhën pasi ish-kryetari Nexhat Demaku që udhëhoqi me këtë komunë për dy mandate, la detyrën e tij pas vendimit që u mor nga gjyqësia që e shpalli fajtor në rastin ‘Drenica 2’.