Letra e tretë, Thaçi i prerë me Kurtin: Dërgoje emrin e mandatarit, shumë shpejt e propozoj kandidatin për Kryeministër

Presidenti i Kosovës, Hashim Thaçi, i ka dërguar letër për të tretën herë radhazi, kreut të Lëvijes Vetëvendosje, Albin Kurtit, duke i kërkuar emrin për mandatarin e ri për formimin e Qeverisë së re, shkruan Gazeta Metro.

Në shkresën e nisur nga Thaçi për Kurtin thuhet se është duke pritur emrin për mandatarin, teksa shton se qytetarët e Kosovës dhe partitë politike në vend me të drejtë janë duke pritur që presidenti të caktojë mandatarin e ri.

Thaçi ka thënë se këtë veprim do ta ndërmarrë duke ndjekur të gjithë hapat kushtetues, që sa më shpejtë të krijohet Qeveria e re.

“.. Do të ndërmarr këtë veprim duke ndjekur të gjithë hapat kushtetues që qytetarët e Republikës së Kosovës të kenë sa më shpejtë qeverinë e tyre të re, sidomos në këtë situatë të pandemisë  e cila kërkon një qeveri efikase dhe efektive me mandat të plotë kushtetutës”, ka shkruar presidenti.

Kjo është letra e plotë e Presidentit Thaçi drejtuar Albin Kurtit. /gazetametro.net