Letra e Kurtit për Kryesinë e Kuvendit: Seanca për votimin e Qeverisë të caktohet për të hënën, në ora 11:00

Kryetari i Lëvizjes Vetëvendosje, Albin Kurti i ka dërguar sot kërkesë zyrtare Kryesisë së Kuvendit të Kosovës dhe kryetarit, Glauk Konjufca për caktimin e seancës për votimin e Qeverisë së re të Kosovës.

Kërkesa thotë se në përputhje me dekretin e presidentit të datës 20 janar, kërkon nga Kryesia e Kuvendit që më datën 3 shkurt në orën 11:00 të caktohet mbajtja e seancës për votimin e Qeverisë.

Kjo kërkesë është bërë njëanshëm dhe pa arritjen e marrëveshjes për bashkëqeverisje me LDK-në.

Pas kësaj kërkesë, Konjufca e ka caktuar për nesër (e premte), në ora 09:00, mbledhjen e Kryesisë së Kuvendit.