Lëndohet rëndë një femër në aksidentin mes kamionit dhe veturës në rrugën Prishtinë-Podujevë

Një femër ka pësuar lëndime të rënda trupore në një aksident trafiku mes një kamioni dhe veture në rrugën Prishtinë-Podujevë.

Rastin e ka konfirmuar zëdhënësja e PK-së për rajonin e Prishtinës Flora Ahmeti.

“Rreth orës 14:00, në rrugën Prishtinë-Podujevë ka ndodhur një aksident i komunikacionit rrugor në mes të një automjeti transportues (kamion) dhe një veture. Bazuar në të dhënat fillestare një person i gjinisë femërore është e lënduar rëndë. Me rastin po merren hetuesit e njësitit të trafikut”, tha Ahmeti.